കാഫ്ക ഞാൻ  നിന്റെ പ്രണയ ലേഖനങ്ങൾ വായിച്ചിട്ടില്ല
ഇനിയൊട്ടു വായിക്കുകയും ഇല്ല
നിന്റെയും എന്റെയും പ്രണയം ഒന്ന് തന്നെ
അത് പഴയ പല ഓർമ്മകളുടെയും കുഴിച്ചു മൂടലും
പുതിയ ഓർമ്മകളുടെ സൃഷ്ടിക്കലുമാണ്
ഒടുവിൽ നിന്റെ ഞരമ്പുകൾ തുളയ്ക്കുന്ന വേദനയോടെ
എല്ലാ ഓർമ്മകളെയും നീ തൂത്തെറിയും
എന്നിട്ടോ നീ പിന്നെയും പഴയ പ്രണയത്തിന്റെ പുതിയ തീരം തേടി  പോകും
ഒരു ജീവിതത്തിൽ ഒരുപാട് പ്രണയങ്ങൾ അല്ലേ കാഫ്ക ?
ഒടുവിൽ ഒരു പ്രണയത്തിനും പിടി കൊടുക്കാതെ
മറവി ബാധിച്ചു നീയും ഞാനും ശിഷ്ട കാലം
എന്തെങ്കിലും എഴുതി വയ്ക്കും
പുറകെ വരുന്ന വിഡ്ഢി കോമരങ്ങൾ
അത് വായിച്ചു രസിക്കട്ടെ ..അത്ര തന്നെ ..