അന്താരാഷ്ട്ര ചലച്ചിത്രോത്സവം 2014

ഫിലിം ഫെസ്റ്റിവൽ എന്ടെ ജീവിതത്തിലെ ആദ്യ അനുഭവം ആയിരുന്നു . എന്നെങ്കിലും ഐ എഫ്  എഫ് കെ  യുടെ  ഭാഗമാവുക എന്ന ആ സ്വപ്നം ഈ വർഷം സാധ്യമായി. ഫിലിം ഫെസ്റിവലിൽ പങ്കു വെയ്ക്കപെടുന്നത് നല്ല സിനിമ സ്വപ്നം കാണുന്ന ഒരു കൂട്ടം ആൾക്കാരുടെ  ചിന്തകളും ലോകരാഷ്ട്രങ്ങളിൽ നിന്നുമുള്ള കാമ്പുള്ള സിനിമകളും ആണ് . അത്തരം ഫെസടിവലുകൾ നമ്മുടെ ചിന്താധാരയെയും സ്വാധീനിക്കൂന്നു. ഇത്തവണ ഫിലിം ഫെസ്റ്റിനു എത്തിയ സിനിമകൾ ഒക്കെയും ഉയർന്ന നിലവാരം പുലർത്തിയവയായിരുന്നു . കണ്‍ട്രി ഫോക്കസ് വിഭാഗത്തിൽ പ്രദർശിപ്പിച്ച തുർകിഷ് സിനിമകൾ ഒരു ജനതയുടെ യാതനയുടെയും അവരുടെ പ്രതിഷേധത്തിന്റെയും ഒക്കെ ഓർമപ്പെടുത്തലായി . ഇന്ത്യൻ സിനിമ ഇന്ന് വിഭാഗത്തിൽ പ്രദർശിപ്പിച്ച ബംഗാളി ഫിലിം ''89'' ഇന്ത്യൻ സിനിമയിൽ ബംഗാളി സിനിമയുടെ പ്രാധാന്യം ഊട്ടി ഉറപ്പിക്കുന്നത്  ആയിരുന്നു. മനസിന്റെ വിചിത്രമായ പ്രഹേളികയിൽ ഉഴറുന്ന ഒരു മനോരോഗ വിദഗ്ധയും , വരെ ചുറ്റിപറ്റി ഒരു പോലീസുകാരനും കുറ്റവാളിയും. അക്കങ്ങൾ അവരുടെ ജീവിതവുമായി എങ്ങനെ ബന്ധപ്പെട്ടിരിക്കുന്നു എന്ന ചോദ്യത്തിന് ഉത്തരമാണ് 89. സിനിമ ആദ്യാവസാനം പ്രേക്ഷകരെ തങ്ങളോടൊപ്പം ചിന്തിക്കാൻ പ്രേരിപ്പിക്കുന്നു. 377 വകുപ്പ് പ്രകാരം സ്വവർഗ  രതി കുറ്റകരമായി പ്രഖാപിച്ച സാഹചര്യത്തിൽ '' ബ്ലിമിഷെദ് ലൈറ്റ് '' എന്ന രാജ് അമിത് കുമാർ ചിത്രം ഉഭയ ലൈംഗിക ജീവിതത്തിന്റെ പ്രാധാന്യം , രതി ഒരുവന്റെയ് അവകാശമാണെന്ന തിരിച്ചറിവിന്റെ ആവശ്യകത ഒപ്പം മതമൌലികവാദവും ചർച്ച ചെയ്യപ്പെടുന്നു. ഒരാൾ ഗേ ആകുന്നതോ അല്ലെങ്കിൽ ലെസ്ബിയൻ ആകുന്നതോ കുറ്റകരമല്ല മറിച്ചു അതയാളുടെയ് വ്യക്തി സ്വതന്ത്രതിന്റെയ് ഭാഗമാണ് എന്ന സന്ദേശവും ചിത്രം മുന്നോട്ടു വയ്ക്കുന്നു .വ്യത്യസ്ത വ്യക്തിത്വങ്ങളും ഹിംസാത്മകമായ മുൻ വിധികളും തമ്മിലുള്ള സംഘർഷമാണ്‌ ചിത്രം .

picture courtesy: internet

ജൂറി ഫിലിം വിഭാഗത്തിൽ പ്രദർശിപ്പിച്ച ''നൈറ്റ്‌ ഓഫ് സൈലെൻസ് '' ഒരു ടർകിഷ് വിവാഹവും അതിനെ തുടർന്നുണ്ടാകുന്ന രസകരമായ സംഭവവികാസങ്ങളും വരച്ചു കാട്ടുന്നു.കൌമാരം വിട്ടുമാറാത്ത വധുവും വാർദ്ധക്യത്തിൽ എത്തി നില്ക്കുന്ന വരനും അവർക്കിടയിൽ നടക്കുന്ന സംഭാഷണങ്ങളും പ്രേക്ഷകരെ രസിപ്പിക്കാൻ പോന്നതാണ് .

കണ്‍ട്രി ഫോക്കസ് വിഭാഗത്തിൽ പ്രദർശിപ്പിച്ച ''കം ടൂ  മൈ വോയിസ്‌'' , ''ഷിവാസ്''എന്നീ സിനിമകൾ  നിഷ്കളങ്ക ബാല്യതിന്റെയ്  മനോഹാരിത കൊണ്ട് പ്രേക്ഷക ശ്രദ്ധ നേടിയ സിനിമകൾ ആണ് . ന്യൂ ജേർണി ടൂ ദി വെസ്റ്റ് വിഭാഗത്തിൽ പ്രദർശ്പ്പിച്ച ''റെഡ് അമ്നേഷ്യ''  ഒരു സൈയ്ക്കോ    ത്രില്ലെർ ആണ് .വിധവയായ ദെങ്ങിന്റെയ് ജിവിതത്തിൽ അവിചാരിതമായി അരങ്ങേറുന്ന ചില സംഭവങ്ങൾ  ആണ് സിനിമയുടെ ഇതിവൃത്തം റെട്രോസ്പെക്‌ട്ടീവ് വിഭാഗത്തിൽ പ്രദർശിപ്പിച്ച ''സെവേണ്‍ ചാൻസെസ്''  - നിശബ്ദ ചിത്രം ശെരിക്കും പ്രേക്ഷകരുടെ മനസ്സ് നിറയ്ക്കാൻ പോന്നതായിരുന്നു . ഒരു മുഴുനീള കോമഡി ചിത്രം .

ഫെസ്റിവലിൽ എനിക്ക് ഏറെ ഇഷ്ടമായ ചിത്രം വേൾഡ് സിനിമ വിഭാഗത്തിലേ ''കോണ്‍ ഐലന്ഡ്''. ആദ്യം അപ്പുപ്പനോപ്പം പിന്നെ ഒറ്റയ്ക്കും ജീവിതത്തിലേക്ക് തുഴഞ്ഞു കയറുന്ന പെണ്‍കുട്ടിയുടെ അതിജീവനത്തിന്റെയും , അവരുടെ ജീവിത സങ്കർഷങ്ങളുടെയും കഥയാണ് കോണ്‍ ഐലാണ്ട് പങ്കു വെയ്ക്കുന്നത് . മനോഹരമായ ഫ്രെയ്മുകൾ , ആവശ്യത്തിനു മാത്രം സംഭാഷണങ്ങൾ. ജീവിതത്തിലേക്ക് അവൾ ഒറ്റയ്ക്ക് തുഴഞ്ഞു കയറുമ്പോൾ കണ്ടിരിക്കുന്നവരും അവൾക്കൊപ്പം മുന്നേറാൻ കൊതിക്കും .

picture courtesy: internet

വേൾഡ് സിനിമ വിഭാഗത്തിലേ ''ദി പ്രസിഡന്റ്‌ '' ഒരു ഭരണാധികരിയുടെ ജീവിതത്തിലെ ഉയർച്ച താഴ്ചകലേയ് പ്രതിപാദിക്കുന്നു . തന്റെ ഭരണത്തിലേ പോരായ്മകൾ തിരിച്ചറിയുകയാണ് നിഷ്കാസിതനായ പ്രസിഡന്റ്‌ .
ചിത്രത്തിന് വൻ സ്വീകരണമാണ് ഫിലിം ഫെസ്റ്റിവൽ സമ്മാനിച്ചത്‌ .

ഫിലിം ഫെസടിവലുകൾ നല്ല സിനിമകളെ സ്നേഹിക്കുന്ന പ്രേക്ഷകർക്ക്‌ ഉത്സവമാണ്. ആ ഉൽസവതിന്റെയ് ഓളത്തിൽ കുറേ നല്ല സിനിമകൾ കാണാൻ സാധിച്ചപ്പോഴും , അതിലേറെ  നല്ല സിനിമകൾ കാണാൻ കഴിയാത്തത് ഒരു സിനിമ പ്രേമി എന്ന നിലയിൽ വലിയ നഷ്ടം തന്നെയാണ്. സന്ഗാടനത്തിൽ ഒരൽപം കൂടി മികവു പുലർത്താൻ കഴിഞ്ഞിരുന്നെങ്കിൽ കുറേ നല്ല സിനിമകൾ കൂടി ഒരു പക്ഷെ കാണാൻ സാധിക്കുമായിരുന്നു. ഫിലിം ഫെസ്റ്റിവൽ അവസാനിക്കുമ്പോൾ ഒപ്പം ഉള്ളത് കുറേ ഏറെ നല്ല സൌഹൃദങ്ങളും നല്ല  സിനിമാ ചിന്തകളും കൂടിയാണ്. ഇത്തരം ഫെസടിവലുകൾ നല്ല സിനിമ സ്വപ്നം കാണാൻ ഉള്ള പ്രചോദനം കൂടി ആണ് . ഇനി അടുത്ത ഡിസംബർ വരെ ഉള്ള കാത്തിരുപ്പ് കാഴ്ചയുടെ ഉത്സവത്തിനായി.......................

ATHULYA B S

ദ്രൗപദി ഇന്നും വിവസ്ത്രയാണ് 

വിചാരണ കൂട്ടിൽ അവൾ നിന്നു- ഒരു കൊച്ചു സുന്ദരി, പ്രായം പതിനെട്ടു പോലും കാണില്ല .കറുത്ത കോട്ടിട്ട വവ്വാലുകൾ പഠിച്ചതൊക്കെയും ചർധിക്കുവാൻ തുടങ്ങി .പ്രതിക്കൂട്ടിൽ മീശ മുളച്ചതും മുളയ്ക്കാത്തതും ആയി ഏഴു പേർ.

''പീഡന കേസാ'' കാഴ്ചക്കാരിൽ ഒരുവൻ മറ്റൊരുവനോട് പറഞ്ഞു .

സാക്ഷികൾ ഓരോന്നായി വന്നു പോയി 

പലരും കൂറ് മാറി 

ഒടുവിലത്തെ സാക്ഷി അയാൾ പറഞ്ഞു - സർ ഇവൾ പിഴച്ചവൾ ആണ് .

picture courtesy: internet

ആ സാക്ഷിയെ അവൾ ഒന്ന് നോക്കി - അയാൾക്ക്‌ അവളുടെ അച്ഛന്റെയ മുഖമായിരുന്നു, പേരും .

ഗാന്ധിത്തലയുള്ള പച്ച നോട്ടിൽ അയാളും  മയങ്ങി ...

സമൂഹവും ബന്ധുക്കളും വിധിച്ചു 

'' ഇവൾ പിഴച്ചവൾ ''

കോടതിയും അത് തന്നെ വിധിച്ചു 

നീതി ദേവതയുടെ കണ്ണുകളെ മറച്ച ഇരുണ്ട തുണി നനഞ്ഞിരുന്നു 

ദേവതയും സ്ത്രീ തന്നെ അല്ലേ ?

കോടതിക്കുള്ളിൽ ഒരു ഭ്രാന്തിയെ പോലെ അവൾ അലറി 

''ദ്രൗപദി ഇന്നും വിവസ്ത്രയാണ് 

പാണ്ഡവർ നിശബ്ദരും.....''

ഭാരതം ഇനിയും മഹായുദ്ധങ്ങൾ കാണേണ്ടിയിരിക്കുന്നു .

അതുല്യ ബി എസ്

മെഹക്

മെഹക് നീ എന്താണ് എപ്പോഴും കുത്തിക്കുറിക്കുന്നത് ? അമ്മിയുടെ ചോദ്യത്തിന് ഉത്തരം നല്കാതെ അവൾ നിശബ്ദം തന്റെയ എഴുത്ത് തുടർന്നു.അവളുടെ ആ വിമുഖത അമ്മിയെ കുറച്ചൊന്നുമല്ല ചൊടിപ്പിച്ചത്... അമർഷം കടിച്ചമർത്തി അവർ വീണ്ടും അവളോട്‌ ചോദിച്ചു

picture courtesy:internet

- ഇത്തവണ മുൻപത്തെക്കാൾ ഉച്ചത്തിൽ ആയിരുന്നു ചോദ്യം

എന്താണ് മെഹക് നീ ഞാൻ ചോദിച്ചത് കേട്ടിലേയ്?പോയി പഠിക്കു, നിനക്ക് മിഡ് ടേം എക്സാം ഉള്ളതല്ലേ ?കഴിഞ്ഞ തവണ പോലെ ഇത്തവണയും കണക്കിനു മാർക്ക് കുറഞ്ഞാൽ അബ്ബു നിന്നെ തല്ലി പഴുപ്പിക്കും .

വീണ്ടും അവളുടെ നിസംഗ ഭാവം കണ്ടപ്പോൾ അമ്മിയ്ക്ക് കോപം നിയന്ത്രിക്കാനായില്ല

''മെഹക് ''

ഇത്തവണ വിളി അബ്ബുവിന്റെയ കാതിൽ എത്തി .

അയാൾ അവളോട്‌ ഒന്നും ചോദിച്ചില്ല , അവൾ എഴുതിക്കൊണ്ടിരുന്ന കടലാസ് കഷ്ണം പിടിച്ചുവാങ്ങി . അതിലെ ഓരോ വരിയും വായിക്കുമ്പോൾ അയാളുടെ കണ്ണുകൾ കൂടുതൽ വന്യമാകുന്നുണ്ടാരുന്നു.

മെഹക് എന്താ നീ എഴുതിയിരിക്കുന്നെയ്? സ്ത്രീ സ്വാതന്ത്ര്യം !

നിന്നോട് പറഞ്ഞതല്ലേ മെഹക് നീ എഴുതാൻ പാടില്ലാന്നു , നല്ല വീട്ടിലെ കുട്ടികൾ ഈ വക കാര്യങ്ങൾ ഒന്നും എഴുതാറില്ല . എന്താ നിന്റെയ ഭാവം ? തസ്ലീമയെ പോലെ എഴുതാനോ? മലാലയെ പോലെ നമ്മുടെ നിയമങ്ങളെ വെല്ലുവിളിക്കാനോ ?

ഇനിയും ആരൊക്കെയോ ഉണ്ടല്ലോ കമല ദാസ്‌ , അഷിത , അരുന്ധതി റോയ് .... വേണ്ട മെഹക് നീ അവളുമാരെ ഒന്നും അനുകരിക്കേണ്ട . എന്തേലും ഉണ്ടേൽ പഠിക്കു , പ്രാർത്ഥന ചൊല്ല് .പിന്നെ അടുക്കള പണിയും .. അത്ര മതി , അതിലപ്പുറം ഒന്നും വേണ്ട ........

അവൾ എഴുതിയത് ഒക്കെയും അവളെ കൊണ്ട് തന്നെ കീറി ചവറ്റു കുട്ടയിൽ ഇടീപ്പിച്ച ശേഷം അവർ അവരുടെ വഴിക്ക് പോയി

മെഹക് ആ കഷ്ണങ്ങൾ ഒക്കെയും തന്റെയ കിടക്ക മുറിയിൽ കൊണ്ട് വന്നു ചേർത്ത് വെച്ചു.

അത് ചേർത്ത് വായിക്കുമ്പോൾ അത് വരെ കാണാത്ത ഒരു

തീക്ഷ്ണത ആ കണ്ണുകളിൽ ഉണ്ടായിരുന്നു ,

നാളെ ഒരുപക്ഷെ അവളുടെ അബ്ബുവിനു പോലും കെടുത്താൻ ആകാത്ത തീക്ഷണത ....പെണ്‍ മനസിന്റീയ്, പ്രവചനങ്ങൾക്കും അതീതമായ ഉറപ്പു .

അബ്ബു ഞാൻ ഞാൻ തന്നെയാണ് .......നിങ്ങൾക്ക് വലിച്ചു കീറാൻ ഈ കടലാസേ കിട്ടു എന്റെയ ചിന്തകൾ അവ എന്റെയ മാത്രമാണ് ,

നിങ്ങൾക്ക് അത് അന്യവും ...........

ATHULYA B S

ബന്ധിതം 

എഴുതാൻ ഞാൻ ഒരു പേന എടുത്തു

picture courtesy: internet

ഒഴിഞ്ഞ ഒരു വെള്ള കടലാസും
കടലാസ് പോലെ ശൂന്യം ആയിരുന്നു മനസ്സും...
പക്ഷെ എനിക്ക് എഴുതണം , ഇവ എന്റെയ മാത്രം അക്ഷരങ്ങൾ ആണ് , അതിനെ കഥയെന്നോ കവിതയെന്നോ - എങ്ങനെ

വേണേലും വിളിക്കാം ..പണ്ടൊരു കഥയിൽ കഥാകാരി പറയുന്നുണ്ട്
''ഒരു സ്ത്രീക്ക് ഏറ്റവും എളുപ്പം ചെയ്യാവുന്ന ഒന്ന് എഴുത്താണ്-കടലാസിനും മഷിയ്ക്കും വില തുച്ചമല്ലേയ്?''
ചിന്തകളിൽ അക്ഷരം വഴുതിപ്പോയി , കടലാസ് പഴയപടി ഇപ്പോഴും ശൂന്യമാണ് ...
എന്തിനെഴുതണം? ഞാൻ എന്നോട് ചോദിച്ചു
ആരുടെയെങ്കിലും പ്രശംസയ്ക്ക് വേണ്ടിയോ ? അല്ലെങ്കിൽ ഏതെങ്കിലും പുരസ്ക്കാരത്തിന് വേണ്ടിയോ ?
ഞാൻ എന്നോട് പറഞ്ഞു
അല്ല നിനക്ക് വേണ്ടി , നിന്റെയ ഉള്ളിൽ സ്വാതന്ത്ര്യം കാക്കുന്ന അക്ഷരങ്ങൾ ഉണ്ട് - സ്വരവും വ്യഞ്ജനവും ചില്ലും ഒക്കെ..
നീ കേട്ടിട്ടിലേയ് ''ബന്ധുര കാഞ്ചന കൂട്ടിൽ ആണെങ്കിലും ബന്ധനം ബന്ധനം തന്നെ പാരിൽ ''
സ്വതന്ത്രരാക്ക് അവരെ , ആരൊക്കെയോ ചുറ്റിനും ആർത്തലച്ചു..
സ്വതന്ത്രരാക്ക് ഞങ്ങളെ '
ഞാൻ എന്റെയ കഴുത്തിലെ സ്വർണ ചങ്ങലയിലേക്കും കടലാസിലേക്കും മാറി മാറി നോക്കി
'' സ്വയം ബന്ധിതയായ ഞാൻ നിങ്ങളെ എങ്ങനെ സ്വതന്ത്രരാക്കും ?''

ATHULYA B S

തപാൽപെട്ടിയിലെ കത്തുകൾ 

picture courtesy:internet

തപാൽ പെട്ടിയിലെ കത്തുകളെ കുറിച്ച് പണ്ടെങ്ങോ വായിച്ചതു ഓർമ വരുന്നു. ഒരേ തപാൽ പെട്ടിയിൽ ഒന്നിനോടൊന്നു ഒട്ടിച്ചേർന്നു കിടന്നാലും അവർ പരസ്പരം യാതൊന്നും പങ്കുവെയ്യ്ക്കാറില്ല. യാത്രയുടെ ഉദ്ദേശ്യമോ , ലക്ഷ്യസ്ഥാനമോ  ഒന്നും .ഓരോ യാത്രയും ഓരോ മരണമെന്ന പോലെ , കനത്ത നിശബ്ദത മാത്രം അവശേഷിപ്പിക്കുന്നു.ഒന്നാലോചിച്ചാൽ നമുക്ക് മനസിലാകും ആ കത്തുകളും നാം  മനുഷ്യരും ഏതാണ്ട് ഒരുപോലെ തന്നെ.ഒരു യാത്രയിൽ ഒരേ ഇരിപ്പിടത്തിൽ  തൊട്ടു തൊട്ടു ഇരുന്നാലും മൗനതിന്റീയ് വലിയൊരു വിടവ് അവർക്കിടയിൽ അവശേഷിക്കും.ചിലർ എത്ര സംസാരിച്ചാലും ആ വാചാലത ഒരർത്ഥത്തിൽ മൗനം തന്നെയായിരിക്കും , മറ്റു ചിലരാകട്ടെയ് തങ്ങളുടെ   മൗനം കൊണ്ട് പോലും  വാചാലത സൃഷ്ടിക്കുന്നു.മനുഷ്യന്റെയ ഒരേ ഭാവതിന്റെയ ഇരു തലങ്ങൾ.അല്ലെങ്കിലും ഈ ലോകം നമുക്ക് മുന്നിൽ പലപ്പോഴും അവശേഷിപ്പിക്കുക ഇത്തരം ചില വൈരുധ്യങ്ങൾ ആകും ......

ATHULYA B S